မ နှ င်း ဆီေ ရ . . .ကြ ယ်ေ တွေ တာ င်ေ ကြွေ န ပြီ . .
မနှင်းဆီရေ ..... စိမ့်စိမ့်အေးတဲ့မိုးညတွေကြား နွေးထွေးအိစက်တဲ့ ဂွမ်းစောင်လေးခြုံရင်း ကျွန်တော့်ကဗျာတွေဖတ်နေပြီလား .. ထုံးစံအတိုင်းပေါ့ ဆေးပေါ့လိပ်လေးတစ်လိပ် .. လက်ဖက်ရည်ပေါ့ဆိမ့်တစ်ခွက် ... ခဲတံတိုတစ်ချောင်း နဲ့ စာရွက်ဖြူဖြူပေါ် ကျွန်တော့်ကဗျာတွေ ဖွင့်အန်သွန်ချနေမိတယ် ...
ဒီနေ့မှာပဲ မိုးကလည်းသည်းတယ် မနှင်းဆီရယ်... တချို့တချို့သော ကျွန်တော့်သူငယ်ချင်းတွေက ကျွန်တော့်ကဗျာတွေထဲက မနှင်းဆီကို သိပ်သိချင်နေကြတယ် မနှင်းဆီရေ .. ဒါတောင် မနှင်းဆီကို သူတို့မမြင်ဖူးသေးလို့ဗျာ ..
နွေးထွေးနူးညံ့တဲ့ မနှင်းဆီရဲ့ မေတ္တာတရားရယ်.. ကြင်နာဂရုစိုက်မှုရယ်...လှပသေသပ်တဲ့ မနှင်းဆီရဲ့ အသားစိုင်တချို့ရယ်..ဖြူဝင်းနေတဲ့ အသားအရည်နဲ့အရမ်းကိုလိုက်ဖက်တဲ့ မျက်နှာပြေပြေလေး...နှာတံဖူးဖူးလေးနဲ့ ကော့ညွတ်သွယ်ပြောင်းတဲ့ မျက်တောင်ရှည်တွေကိုသာ သူတို့မြင်ခွင့်ရမယ်ဆိုရင် အခါ တစ်သန်းကြေးလောင်းရဲတယ် မနှင်းဆီရေ..သူတို့လည်း မနှင်းဆီကို ရင်ဘတ်ထဲ မီးရထားတွဲကြီးခုတ်မောင်သွားသလို တဂျုန်းဂျုန်းနဲ့ ရင်ခုန်မိကြမှာ အမှန်ပါပဲ ...
ရီရတယ် မနှင်းဆီရေ...သူသို့ သိချင်ကြတာလည်း မလွန်ပါဘူးကွယ် မနှင်းဆီကလည်း ကျွန်တော့်ကဗျာတွေထဲက ထိပ်ထားဖြစ်နေတယ်လေ ... လေတွေတဖြူးဖြူး တိုက်ခတ်လို့ မနှင်းဆီရဲ့ ဆံနွယ် တချို့ လွင့်ပျံတိုင်း ကျွန်တော့် ကဗျာတွေ အသက်ဝင်လာလေ့ရှိတာကိုး ...
မနှင်းဆီ ဘယ်သူလဲဆိုပြီး သို့လော သို့လော နဲ့ ကျွန်တော့်ကဗျာတွေထဲ မီးမောင်းထိုးရှာဖွေကြတယ်... ဘယ်တွေ့လိမ့်မလဲနော် မနှင်းဆီရယ်..မနှင်းဆီဟာ ကျွန်တော့်ကဗျာတွေထဲမှာပဲ ဖြူဝင်းသန့်စင်စွာ ထာဝရ ခိုလှုံနေတဲ့သူကိုး ... အကောင်အထည်မရှိပေမယ့် အဲဒီကဗျာတွေထဲက မိန်းမပျို မနှင်းဆီကို ကျွန်တော်ကလည်း သိပ်မြတ်နိုးတယ်လေ....
မနှင်းဆီရေ ..ခင်ဗျားအခုချိန် ကောင်းကင်ကြီးကိုငေးရင်း ပင်လယ်ကြီးကိုငေးရင်း (ဒါမှမဟုတ်) တေးသွားတစ်ပုဒ်ကိုညည်းရင်း ပျင်းရိနေပြီလားဟင် ...ကျွန်တော်က ခင်ဗျား ခင်ဗျားအတွက် အဖွားအိုလေးဖြစ်တဲ့အထိ ပြက္ခဒိန်ပေါ်က ရက်ပေါင်းများစွာ တိုင်အောင် ခင်ဗျား အကြောင်းကို ပုံဖော်နေမိချင်သေးတယ် ... မနှင်းဆီရယ်... အချစ်ဆိုတာဟာလည်း ကျွန်တော်တို့ကြား သဘောတရားဆန်ဆန် ဆွေးနွေးဖို့မလိုအပ်ပါဘူး ...
ကျွန်တော်ခင်ဗျားကိုချစ်ကြောင်း မြေကမ္ဘာထုကြီး သက်သေရှိသလို...ခင်ဗျားကျွန်တော့်ကို....`......´ ကြောင်းလည်းကျွန်တော်ခံစားသိနေခဲ့တာပဲလေ ... ကဗျာတွေထဲက မနှင်းဆီရေအချစ်ဟာ လူတွေထင်ထားတာထက် နူးညံ့သိမ်မွေ့လွန်းလှပါတယ်ဗျာ..သူ့ကို တွေ့ရင် အလိုလို ကြည်နူးနေတတ်တာမျိုးဗျ...
မနှင်းဆီရေ ကျွန်တော်နားမလည်တာတစ်ခုရှိတယ်ဗျာ...လူတွေက အချစ်ကို အချစ်လို့ သီးသန့်မမြင်ပဲ ပိုင်ဆိုင်ခွင့် နဲ့တွဲတွဲမြင်နေကြတယ်... တကယ်ချစ်ရင်ပိုင်ဆိုင်အောင်လုပ်ရမယ် ဆိုတဲ့ rule ကို လူတိုင်းပါးစပ်ဖျားမှာ စက်သွား ဆန်ဆန် ပြောနေကြတယ် ဗျာ... ပိုင်ဆိုင်ရမှ အချစ်ဆိုရင်တော့.....ကျွန်တော့်မှာ ရှိသမျှ ခွန်အားလေးနဲ့ငြင်းဆန်ရမှာပဲ မနှင်းဆီရေ...ကျွန်တော်က မနှင်းဆီ..ရဲ့ ပိုင်ဆိုင်ခွင့်ကို မမျှော်မှန်းခဲ့ပါဘူး...
ပိုင်ဆိုင်ခွင့်ဆိုတာ တချိန်ချိန်မှာ ဆုံးရှုံးသွားနိုင်တဲ့ မရေ ရာမှု တစ်မျိုးပဲမဟုတ်လား....ကျွန်တော်က မနှင်းဆီကို အဘယ်သို့သော ကြိုးမျှင် တစ်ခုနဲ့ မှ ချည်နှောင်မထားချင်ပါဘူး မနှင်းဆီရယ် မနှင်းဆီ...လွတ်လပ်စွာ ပျံသန်းနေတာလေးပဲ ကောင်းကင်ကိုငေးကြည့်နေချင်ခဲ့တာပါ.....
မနှင်းဆီအတွက် မနှင်းဆီချစ်သူထက်ပိုတဲ့ မနှင်းဆီရွေးချယ်မဲ့ အိမ်ထောင်ဖက်အမျိုးသားထက်ပိုတဲ့ ..လိုအပ်ရင်..အချိန်မရွေးအသင့်ရှိနေတတ်တဲ့ အရိပ်ကလေးတစ်ခုဖြစ်ချင်နေခဲ့သူရယ်ပါ.... ခင်ဗျားနားလည်ပါ့မလားဟင်... အဲဒါဟာ လူတကာပြောပြောနေတဲ့ ချစ်တယ်ဆိုတာထက်ကို ပိုနေတဲ့ စိတ်ဝိဥာဉ်လေးတစ်ဆိုတာ ကျွန်တော်သတိထားမိပါတယ်....
ကြုံခဲ့ရင်ပေါ့ မနှင်းဆီကို ကျွန်တော်ဒီလိုစာလေးတွေ ရေးပြပါဦးမယ်..ကောင်းကင်ကြီးကတော့ မဲမှောင်လို့...မဟူရာပိတ်ကားကြီးကိုကြည့်နေရသလိုပဲ မနှင်းဆီရေ...
ေ ဟာ ဟို မှာ . . ကြ ယ်ေ တွေ တာ င်ေ ကြွေ န ပြီ . . . ကျွ န်ေ တာ့် ရဲ့  မ နှ င်း ဆီေ လး . . . ချ မ်းေ မြ့  ကြ ည် သာ စွာ အိ ပ် စ က် ပါေ တာ့ေ နာ် . . .
လွ မ်းေ န ခွ င့်
စ က် တ င် ဘာ ၂ ၇ ရ က်ေ န့ 
1 comments:
မနှင်းဆီကိုအရမ်းကိုချစ်တဲ့ ချစ်သူလေးတစ်ယောက်ရဲ့ ရင်ထဲကခံစားချက်တွေကိုဖတ်သွားပါတယ်နော်။
Post a Comment